نختفي ونعود..
نحاول الاختباء بعالمنا الخااص.. ولكن كل مرة نعوود الي الوااقع!!
ادري متأخرة..عشان ابارك للعيد..
اول ايام العيد مرة بسلام.كالعادة!!
ثاني ايام العيد جهزنا شنطنا واغراضنا وانطلقنا للمزرعة!!
وصلنا الضحى..وجهزنا الغدا..
وباقي الوقت ياقاعدين نسولف ونضحك او على الدراجة!!
وفي الليل لعبنا دورين اونو..وسوينا بوب كورن!! وسوالف ورقدنا من وقت!!
ثاني يوم الصبح اميه وابويه وصلوا!!
بعد الريوووق الغاوي..والجو الاحلى!!
وشويه لعب بالدراجة…رحنا صوب الزرع!!
بعد ما خلصنا من الزرع والخضار!!
سوينا بعد مرة بوب كورن
وكملنا سوالف ولعب بالدراجة!!
على العصاري.. انا وبنت اختي خذنا الدراجة.. ناخذ لنا لفه بروحنا!!
وجان تنجلب علينا لدراجة O_o
هههههههههههههههههه.. عادي عادي ما صار شي!!
وعقب المغرب..
اختي اونها تفلسفت هي وبنت اختي اونه يبون يركبون الدراجة..
ركبوووا ودخلوا بالنخلة!!
يالله شو ضحكت عليهم ضحك!!
وفي الليل
لعبنا اونوو!! دور بناتي.. ودور كباريه ودور مكس!!
بس كان كششششششششششخه!!
من زمان ما لعبنا اونو والله.. يرحم ايام عمان *hugs*
ورقدنا من وقت!! شي طبيعي نحن من اذان الفير ناشين!!
بس ما رقدنا على طووول!!لازم شويه سوالف ومغامرات قبل الرقاااد ههههههه
* اصلا احلى شي بالمزرعة ان كلنا نرقد بغرفه وحده *
وثاني يوم من قعدنا وتريقنا!!
وجهزنا روحنا.. بنرد دبي 
ماكان خاطري ارد.. بس خلصت الاجازة لنااس ولازم نرد!!
وفي السيارة.. قعدنا نتذكر السوالف والمواثقف الي استوت لنا في المزرعة وقعدنا نضحك لووول
واول ما وصلنا البيت.. حسينا بعظامنا متكسرة!!O_o
وبعدنا ما نزلنا الاغراض.. قعدنا نخطط لرحلة اليايه ومتى بنسير لوول
وعلى الساعه 12 اكتشفت اني ايدي منتفخة من الطيحة:P
وبدا العوااار,,:”(
رقدت.. وبس نشيت رحت العيادة..
وطلع عندي مجرد انتفاخ ..شي بسيط..
وبس!!
باختصار.. اجازة ولا احلى،، رغم كل شي صار!!
* 
